العودة   خليجيات, منتديات خليجيات النسائية > خليجيات الأدبية > خليجيات كان يا مكان

خليجيات كان يا مكان جميع ما يتعلق بـ القصص و الروايات ●•

إضافة رد
قديم 04-09-2009, 10:06 PM   رقم المشاركة #1 (permalink)
بنوته نشيطه
الصورة الرمزية مرجـــــ بقوة ـــــوجة

 رقم العضوية : 40714
 تاريخ التسجيل : 3 - 7 - 2009
 عدد المواضيع :
 عـدد الــــردود :
 المـشـاركــات : 38
 النقاط : مرجـــــ بقوة ـــــوجة is on a distinguished road
 تقييم المستوى : 0


مرجـــــ بقوة ـــــوجة غير متصل
افتراضي ليله الدخله للكبار فقط

(18سنه فما فوق )

هذا الموضوع .. للكبار فقط

هذا واحد يحكي قصة ليلة دخلتة

أسـمـعـوا الــقــصــة ..



************************

ليلة الدخلة .. ياهي ليلة عيد من جد ..

لا هيئة ولا قلت حيا ولا خوف و لا بطيخ ..

طبعا ً الناس تختلف عاداتهم .. من ديره لـ ديره

اللي يلبسون كرفتات .. واللي يلبسون طرابيش حمر .. واللي يلبسون ثياب

أنا أبي اسولف عن أهل الخليج . . وبالتحديد السعودية .. وبالتحديد سيرلنكا << أقول لايكثر بس . .

طبعا ً قبل العرس لازم تنسق مع أهل العروس سعر المهر ..

وعندنا المهر مو ثابت . . يعني على حسب البنت

إذا هي شق ( صاروخ ) يطلبون من سبعين إلى مية ألف .. وإذا لم تكن كذلك يطلبون من الثلاثين الى الخمسين ألف





وفي مجتمعنا المحافظ .. يقهرونك قهر ورب الكعبة .. تروح أختك وأمك يتفحصون البنت

<< مادري شارين لي موتر مو بنيه .. مو ناقص إلا يطقون فيها فره يجربونها . .

المهم ..

و ترا المسألة على حسب ذوق اختك ..

( وبيني وبينك .. اذا تبي تعرف ذوق اختك افتح دفترها حق المدرسة ..

إذا هو مزخرف وحركات وورد وقلت حيا .. يعني ذوقها تمام

وإذا تلقى ذكرى ام صيته + ام مزنه + ام ليالي .. وقلب حب مدري شلون هو جاي ..والله اللي رحت فيها )

المهم .. خلاص أختاروا لك بنت وكل شي ..عاد المفروض بالعقل إنك تشوفها .. لأنها شريكة حياتك ( الشرع يقول كذا )

بس عندنا عدات وتقاليد في هالخصوص مفادها : (( تبطي عظم إنك تشوفه وقمة التخلف والله ماأعرس الا لازم اشوفها قبل اخاف اتزوج خرتيته هههها )) .. بس يوصفونها لك .. ( ولو بس تحاول مجرد محاولة إنك تشوفها أوتقرب منها والله إن يطردون وراك أخوانها برشاشاتهم كأنك إرهابي مو جاي تتزوج )

المهم .. توصفها لك أمك أو أختك شعرها كذا .. طولها كذا ..

يعني شي خيالي .. وانت تفكر وتقول بنفسك

( يلعن ام الجمال يا شيخ )

وأمك ترفع .. وأختك تكبس خخخ .. وعلى هالوصف هذا هيفاء وهبي مو بنت أم فلان

وتقعد لك ثلاث شهور .. وأنت بس تفكر في البنت .. لين ينتفخ راسك . .

ويجي اليوم اللي تمنيته طول حياتك .. ليلة العمر ( وما أدراك ماليلة العمر )

تلقاك لابس البشت وأبوك على يمينك وعمك الكبير على يسارك . .

وأخوانك وعيال عمك وعيال خوالك وعيال جيرانكم .. حتى عيال خدامتكم بعد . .

كلهم متجمعين .. واللي يعرض بالسيف ( مسوي لي فيها الزير سالم هو و راسه )

واللي ماسك الرشاش والسما حمرا من الطلق .. تقول جالس بحرب مو زواج . .

المهم .. وتخش على صالة الأفراح حقت الحريم ..

بصراحة العزوبي ما يخاف إلا من شيئين :

1- إذا كان الزواج في البيت نفسه . . يخاف العزوبي من لمبات العرس إذا ركبوها على البيت ( تحس خلاص ما فيه رجعة )

2- وإذا قاموا أهلك يدخلونك على صالة الحريم بالغصب يدفونك دف هنا يجيك ( مغص في البطن .. )

ولما تخش الصالة .. الله لا يوريك ..

ما تشوف إلا العيون .. اللي حاطه ( شادوا مدري روج بالعيون ) << حلوه روج بالعيون

واللي مغطية الوجه ومطلعه القدله ..

ولما تخش تمشي في الصالة تبي الكوشة .. تسند جسمك على ابوك على شان ما تطيح من هول ما ترى

وتجلس على الكرسي تلتقط انفاسك .. وأنت من داخل ميت تبي تشوف العروس

ولما يطلعون اللي زفوك .. ابوك وعمك والخمه اللي معهم << قوية الخمه

الحين عاد يجي الكلام اللي مال امه داعي . .

تجي أمك تطب في الملعب ( والمقصود بالملعب هنا " ساحة الرقص ")

وتخش خالتك تراقصها .. وشوي تطب مرة عمك ..

طبعا ً العالم اللي عندك منتب صوبهم .. تبي تشوف البنوووته اللي جالسة بجنبك..

وفي هذه الأثناء انت مفهي على الحضور .. وعينك كبر قوطي جبن كرفت تقز في البنات اللي قاعدين . .

عاد البنات الله يقلعهن يستعبطن استعباط مال أمه داعي . .

اللي تطيح الشيله متعمده .. واللي تنزل العبايه شوي متعمده وتطلع البلاوي .. واللي ترفع الغشوه يعني تشرب ماء



وبعد نصف ساعة كأنه الدهر بحالوه ==> قلب زلمه الاخ

تنطلق أنت وهالغزال للعشة الزوجية ==> أموت أنا على العشة الزوجية

ويدخلونكم الغرفة .. واللي يلولش هنيا واللي يزغرت هناك .. واللي يلعب يوقا عند الباب

المهم .. تخش الغرفة وانت لابس البشت ==> يعني شرايك .. تبيه لابس سليب يعني

المهم .. تدخل للغرفة أنت وزوجتك . .

وتقول للعروس : السلام عليكم

وهي أشكل .. ما ترد ==> لقط ياعم

وتنزل البشت .. وتجي تقعد جنبها على السرير

( أيوه ... هنا الكلام ) ....

ويوم جلست .. وانا المح طرف كوعها .. ويوم شفت الكوع

لا تقولون يالربع .. تقول مغطسة كوعها بعلبة حبر اسود . .

أنا من هاللحظة صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )

وأقول لها يا فلانه ..

ولا ترد علي !!؟

يافلانه تعوذي من ابليس .. وقومي

وهي تسوي مستحية .. ما تدري اني أكبر زلابه لو تقولي بس بععععع انحشت مع الباب

المهم .. وانا اسولف معها ما ترد علي .. شاطفتني شطفه تقول قرد عندها مو زوجها ..

قلت بيني وبين نفسي .. ( يا ولد وش السالفة .. لا يكون البنت مغصوبة علي )

عاد أنا شهم لأبعد الحدود ==> والله انك شرير لأبعد الحدود

وقلت لها .. يا بنت الناس .. حنا الحين متزوجين .. يعني أنتي زوجتي حلالي بشرع الله ورسوله . .

ما ردت علي .. كأني أسولف على جدار

وقلت بيني وبين نفسي ( يا كثر ما تسولف على نفسك )

( تدري شلون .. خلني اضحكها .. أنكت أستعبط شوي.. وألطف الجو )

والله وأجي وأقعد جنبها .. وأقول فيها بيت شعر .. أتغزل فيها

وهي شطف .. ولا كأني موجود بالغرفة !

وأقوم وآخذ القلم وأسجل رقم جوالي .. وأقطه عليها وقلت لها هذا رقمي

أرقمها (بكيفي زوجتي ) ..

وهي تبتسم بس ما تكلمت .. ويوم تبسمت جيت وجلست بجنبها (و لزيت فيها زيادة )

وقلت لها .. ( معك مباحس أمن الدولة ) ==>مسوي أنكت أنا وراسي

هنا أحس إن البنت قالت بقلبها . . ( يا الله المستعان .. زوجي طلع خبل )

وآخذ لي ربع ساعة وأنا مفهي على زولها . . أطالعها من فوق لتحت ==> تحسون عمره ما شاف خير

واقول بنفسي .. ( يا ولد الجسم مسكت ما يحتاج .. بس الوجه .. ابي اشوف الوجه )

والله وأنا امسك يدها .. انا من مسكت اليد وقلبي قام يقول طربق طربق ..

والبنت قامت تنزل يدها الثانية شوي شوي ..

وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل

الـ B52 يوم تنزل على بغداد .. وانا لي صياح << سجن ابو غريب مو العشة الزوجية

وأروح وأوقف عند الباب .. وأقعد اطالعها .. مدري وش أسوي

إن طلعت برا شافوني اهلي .. ويقولون وش فيه ولدنا لا يكون فضحنا مع البنت

وإن جلست في الغرفة .. هذي مش راضية تعطيني وجه .. وقمت افكر و افكر لين طرت على بالي خطة

واشوف سويتش اللمبه ( Off .. On ) .. طفيت اللمبه .. و ولعت اللمبه الحمرا.. ألمِح لها يعني أبيها تفهم ..

والله وتقوم بنت الحلال وتتوجه صوبي

أنا يوم شفتها جتني تمشي .. خفت والله .. قلت الحين تبي تلعن خيري

وتجيك المعزبه .. وتطفي اللمبه الحمرا .. وتولع اللمبه العاديه

وأنا ماسك يد الباب أبي انحاش إذا قربت لي <<== أمحق رجال

وقلت لها .. ( خلاص بلا عرس وبلا بطيخ .. الحين انا ابي انام .. وشلون !؟ )

والله والبنت ساكته .. وانا اقرب شوي شوي .. واسحب المخده ببطء شديد << العن أم الخوف

واروح لزاوية الغرفة .. واحط المخده .. واحط راسي عليها .. وألقيها ظهري

وحسيت في البنت قامت وتحركت .. ( تغير ملابس الفرح )

وانا صاد اطالع الجدار ( ما قلت لكم شهم ) أي هين تجيكم السالفة

ويوم خلصت .. ألتفت عليها .. وعلى طول تغشى البنت مستحيه مني

والله وانا اقوم واروح لثلاجة اللي بنفس الغرفة .. وفتحتها

وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

وأسحب الكتكات .. وأقعد آكل من الحلويات لين أرتفع السكر اللي عندي

والبنت تطالعني مستغربة .. انا إذا شفت الحلويات والعصيرات .. أفقد الوعي على طول

وحسيت فيها انها تناظر لي .. وانا آكل من الحلويات .. من كل بستان زهرة على ما قالوا

وأجي وأحطهم عندها .. وأطالعها وابتسم

( طبعا ً الكلام هذا وأنا ما شفت وجهها للحين )

ومدت ايدها شوي شوي .. وأخذت الكتكات (عاد أنا أحلى شي عندي الكتكات يم يم ) ..

والله وانا اطالعها بعيوني .. ( ابيها ترجعه وتاخذ شي ثاني غيره )

وهي ما تهتم فيني .. وتفتح الكتكات و تدخل يدها تحت الطرحة وتآكل

وقلت لها .. أدفع نص عمري بس أشوف وجهك . .

قالت بصوت خافت ومبحوح ( صوتها يدوخ ياجماعة الخير )

قالت .. أبي بطاقة سوا

انا يوم سمعت البطاقه .. كأنك صافقني مخمس على خشتي

وقلت في نفسي .. هلا هلا بدينا ؟! .. من أولها بطاقه سوا .. شكل المعزبة راعية تلفونات

وقلت لها .. أجيب لك الثريا .. بس أكشفي هالخشه .. أبي أكحل عيوني وأشوف

(ابي اوصف لكم الحدث .. كأنكم معي )

وتضع يدها على النقاب ..

وأنا أنظر ..

و يبدأ التصوير بالبطيء .. وأنا أنظر لها بتلهف وفاتح فمي

وحين كشفت لي عن وجهها ..

قلت ( ............ ......... ......... ......... ...... )

وهي تبسم وتحرك راسها يمين شمال .. والشعر يثناثر على وجهها

وبحركه خطافيه .. اسحب الطفايه اللي جنب السرير

واحذفها عليها بسرعة 85 ميل في الساعة لكنها تحاشت الطلقه

أنا أنقهرت .. وقلت .. الله يقلع عمر أختي اللي جمعتني فيك يا بنت الإيه ...

والله وأنا أطالعها منقهر .. ومتحسف على المهر ( السبعين ألف )

وأقوم .. وأروح أجيب لي خيشه .. وأغطي راسها .. وفتحت في الخيشه فتحه على شان تقدر تتفس ..

وأربط الخيشه براسها ..

عاد أنا بغيت احلل المهر .. بس تراجعت في للحظه الاخيرة

ومن بكره .. وانا ماخذها لبيت اهلها .. وقلت لهم

والله لألعن أبو الـ D . N . A اللي عليكم ياشيخ . . وش ذا

مزوجيني مسخ الله لا يبارك فيكم ؟! . .

بالله هذي بنت .. لعن أبو دراكم لو إني مآخذ لي سرلنكيه أصرف لي والله من هالنمس اللي أنتوا مزوجيني إياه . .

طلعوا باقي المهر لا أجيب عليكم الشرطة الحين ..

وتقولون هيفاء وهبي بعد ؟! .. زكيه زكريا أطلق منها الله لا يربحكم ****لله . . ==> يقولها متحسف منين أسدد الديون اللي علي . .

المهم .. وانا اقط البنت على اهلها .. وارسل لهم ورقة الطلاق. .


ملــتـووؤووؤووش ...!! ~

اتمنى قطعتكم من الضحك










التوقيع  مرجـــــ بقوة ـــــوجة

مباااااااااااااااااركــــ عليييكمـــ الشهر الفضيل ص13

 
رد مع اقتباس
قديم 04-09-2009, 10:08 PM   رقم المشاركة #2 (permalink)
بنوته جديده
الصورة الرمزية وردة أحســـاس

 رقم العضوية : 45056
 تاريخ التسجيل : 2 - 8 - 2009
 الإقامة : في قلب كل من أحب
 عدد المواضيع :
 عـدد الــــردود :
 المـشـاركــات : 0
 النقاط : وردة أحســـاس is on a distinguished road
 تقييم المستوى : 0


وردة أحســـاس غير متصل
افتراضي

الله يعطيكــي العــافيه على القصـــه










 
رد مع اقتباس
قديم 05-09-2009, 04:31 AM   رقم المشاركة #3 (permalink)
بنوته جديده
الصورة الرمزية حلى البنات

 رقم العضوية : 21373
 تاريخ التسجيل : 8 - 1 - 2009
 الإقامة : الاحساء
 عدد المواضيع :
 عـدد الــــردود :
 المـشـاركــات : 28
 النقاط : حلى البنات is on a distinguished road
 تقييم المستوى : 0


حلى البنات غير متصل
افتراضي

يسلمووووووو










 
رد مع اقتباس
قديم 31-01-2010, 04:47 AM   رقم المشاركة #4 (permalink)

 ●¦[ إدارية ]¦●

الصورة الرمزية قفص الحب

 رقم العضوية : 50403
 تاريخ التسجيل : 25 - 11 - 2009
 الإقامة : مدينة الحب
 عدد المواضيع :
 عـدد الــــردود :
 المـشـاركــات : 2,121
 النقاط : قفص الحب will become famous soon enoughقفص الحب will become famous soon enough
 تقييم المستوى : 9


قفص الحب غير متصل
افتراضي

مومهم الجمال










 
رد مع اقتباس
قديم 01-02-2010, 08:25 AM   رقم المشاركة #5 (permalink)
وآحـــد من الــنـــــاس
الصورة الرمزية خليجيات

 رقم العضوية : 489
 تاريخ التسجيل : 27 - 9 - 2007
 العـمـر : 27
 الإقامة : Saudi Arabia
 عدد المواضيع :
 عـدد الــــردود :
 المـشـاركــات : 1,738
 النقاط : خليجيات is on a distinguished road
 تقييم المستوى : 10


خليجيات غير متصل
افتراضي

هههههههههههههههههههههههههههههههههههههههههههههههههه هه

اسلوبه وناااااااااااااااااااااسه ,,, بس انه غبي !! اشلون يتزوج وحده ماشافها بالنظرة الشرعية !!!!


يعطيكي العافية غلاتي من جد وناسة الموضوع ,, تشكراااان










 
رد مع اقتباس
قديم 01-02-2010, 03:29 PM   رقم المشاركة #6 (permalink)

 ●¦[ إدارية ]¦●

الصورة الرمزية رنة خلخال

 رقم العضوية : 13567
 تاريخ التسجيل : 23 - 10 - 2008
 الإقامة : k.s.a
 عدد المواضيع :
 عـدد الــــردود :
 المـشـاركــات : 1,603
 النقاط : رنة خلخال will become famous soon enoughرنة خلخال will become famous soon enough
 تقييم المستوى : 9


رنة خلخال غير متصل
افتراضي

هههههههههههههههههههههههههههههههههههههههههههههههههه ههههه



ياحياتي عليه


حالته صعبه

بس احسه مبالغ ذا البقره ههههههههههههههههههههههههههههههههههه










التوقيع  رنة خلخال
















 
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 05:13 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
مركز تحميل الصور العاب بنات العاب سيارات العاب تلبيس بنات العاب طبخ العاب تلوين